(Virtual Light တွင် အခန်းဆက် ဖော်ပြပေးနေသော စစ်မင်းကြီး မဟာဗန္ဓုလအကြောင်း ဖြစ်ပါသည်။ သူ ကျင်လည်ခဲ့ရာ စစ်မြေပြင်နှင့် နိုင်ငံရေး အခြေအနေများကို လေ့လာမိသရွေ့ ထည့်သွင်းဖော်ပြပေးပါသည်။)
ဘိုးတော်ဘုရားမင်း
နတ်ရွာစံတဲ့ အခါ နောင်မှာ ဘကြီးတော်မင်း လို့ ကျွန်တော်တို့ ခေါ်တွင်မယ် အိမ်ရှေ့စံ
စစ်ကိုင်း မင်းသား နန်းတက်ပါတယ်။ ဘကြီးတော်မင်း လက်ထက်တော်မှာတော့ မောင်ရစ်ဟာ ကျွန်တော်တို့
သိတဲ့သူ ဖြစ်လာပါပြီ။ အဲ့ဒါကတော့ ဘုရင်က ဗန္ဓုလ ဘွဲ့ကို ပေးအပ်ချီးမြှင့်ခဲ့တာပါ။
ဘကြီးတော်မင်း လက်ထက် အင်္ဂလိပ်-မြန်မာ ပထမ စစ်ပွဲကြီး စတင် ဖြစ်ပွားပါတယ်။ အမှန်တော့ ဘကြီးတော်မင်း ထီးနန်းဆက်ခံရချိန် မြန်မာပြည်ဟာ စစ်ပန်းနေပါတယ်။ ဘိုးတော်ဘုရား လက်ထက်မှာ ယိုးဒယားကို
စစ်ခင်းခဲ့တဲ့ အရှိန်တွေကြောင့် မြန်မာပြည်ဟာ အဆိုးရွားဆုံး မဟုတ်ပေမယ့် ရှိရင်းစွဲထက်
နိမ့်ကျတဲ့ အနေအထား ဖြစ်နေပါပြီ။
ဗန္ဓုလ ရင်ဆိုင်ရသည့် စစ်ရေး အခြေအနေ
နောက် အိန္ဒိယ
မှာ သိမ်းရင်း မြန်မာနဲ့ နီးစပ်လာတဲ့ အင်္ဂလိပ်ဟာ ဘိုးတော်ဘုရား လက်ထက်တည်းက စစ်တကောင်းနယ်
ကိစ္စမှာ လိပ်ခဲတည်းလည်း ဖြစ်နေပါတယ်။ နောက် ဘိုးတော်ဘုရား ခန့်ထားတဲ့ မဏိပူရ စော်ဘွား
မာဂျစ်ဆင်း ကလည်း ဘကြီးတော်မင်းရဲ့ နန်းတက်ပွဲကို ရောက်မလာ ခဲ့ပြန်ပါဘူး။ ဒါကို ဘကြီးတော်မင်း က
ပုန်ကန်မှုလို့ သတ်မှတ်ပြီး ၁၈၁၉ ခုနှစ် နန်းတက်တဲ့ နှစ်မှာပဲ မဏိပူရ ကို မြန်မာတပ်တွေ
လွှတ်လိုက်ပါတယ်။
မာဂျစ်ဆင်းဟာ
မြန်မာတပ်တွေ တိုက်တာ မခံနိုင်လို့ ကချာနယ်ထဲ ဝင်ပြေးပါတယ်။ ဖြစ်ချင်တော့ ကချာနယ်က
ဗြိတိသျှတွေ ပိုင်တွေ ဆီလဟတ်နယ်နဲ့ ထိစပ်နေပါတယ်။ ကချာနယ်မှာ မာဂျစ်ဆင်းတို့ သောင်းကျန်းကြတော့
ကချာနယ်စား ဂေါဝိန္ဒချန္ဒရာ (Govinda Chandra) က ဗြိတိသျှတွေဆီ
အကူအညီတောင်းရပါတယ်။
အမှန်တော့
ဗြိတိသျှတွေက ကချာကို အနှေးနဲ့ အမြန်သိမ်းမှာပါပဲ။ ကချာနယ်ဟာ စစ်တကောင်း ကို ထိန်းဖို့
နယ်မြေကောင်းတစ်ခု ဖြစ်နေပါတယ်။ မြန်မာကလည်း ကြိုတွက်ထားတာမို့ ဆီလဟတ်နဲ့ အာသံ နယ်စပ်မှာ
တပ်တွေ တိုးထားနှင့်ပါပြီ။ ကချာနယ် တည်ငြိမ်ရေး အတွက် ထိန်းဖို့ ဗြိတိသျှတွေမှာ တာဝန်ရှိတယ်လို့
သူတို့ ဘက်က အကြောင်းပြသလို မြန်မာတပ်မှူးကိုလည်း ကချာကို မတိုက်ဖို့ ပြောလာပါတယ်။
ကချာနယ်ကိုလည်း သူတို့က သိမ်းပြီး အစောင့်အရှောက်ခံ နယ်မြေ အဖြစ် ကြေငြာပါတယ်။
၁၈၂၃ မှာတော့
မြန်မာတပ်တွေ ကချာနယ်ထဲ ဝင်ပြီး မာဂျစ်ဆင်း တပ်တွေကို တိုက်ပါတယ်။ ကချာနယ်ထဲ ရောက်နှင့်နေပြီ
ဖြစ်တဲ့ ဗြိတိသျှနဲ့ မြန်မာတပ်တွေ တိုက်ပွဲ ဖြစ်ကြပါတယ်။ အင်္ဂလိပ်က မြန်မာစစ်တပ်ကို
ခံစစ် အနေနဲ့သာ ရင်ဆိုင်ခဲ့ရပါတယ်။
၁၈၂၄ မှာတော့
အိန္ဒိယ ဘုရင်ခံချုပ်က မြန်မာနဲ့ စစ်ဖြစ်နေပြီလို့ ကြေငြာပါတယ်။ အမှန်တော့ သူတို့ဟာ
မြန်မာ ကို မျက်စိကျနေပြီးသားပါ။ သူတို့မှာလည်း အင်အားတောင့်တင်းနေပြီမို့ အခွင့်အခါ
ကျလာတဲ့ အခါ တပါတည်း တိုက်တဲ့သဘောပါ။
အဲ့ဒီနောက်တော့
မဏိပူရတို့ အာသံတို့ ပန်းဝါ တို့မှာ နှစ်ဖက်ရင်ဆိုင်စစ်ပွဲကြီးတွေ ဖြစ်ပွားကြပါတော့တယ်။
ဦးဆောင်သူတွေကတော့ ကျွန်တော်တို့က မြဝတီမင်းကြီး ဦးစ လို့ သိကြတဲ့ မင်းကြီးမဟာသီဟ
သူရ နဲ့ မဟာဗန္ဓုလ တို့ပဲ ဖြစ်ပါတယ်။
-----------------------------------
ဆက်ရန် -----------------------------------------------------
ထက်အောင်ဖြိုး
(ထက်အောင်ဖြိုးသည် Virtual Light ကို တည်ထောင်သူ တစ်ဦး ဖြစ်သည်။)